Карл Маркс сопхуос 50 сыллаах үбүлүөйнэй Үрүҥ тунахыһыаҕа
Бэс ыйын 8 күнүгэр Одьулуун нэһилиэгэр,
Одьулуун, Мындаҕаайы, Төлөй, Мугудай, Бахсы, Чыаппара 6 нэһилиэк холбоһуктаах Карл Маркс сопхуос 50 сыллаах үбүлүөйнэй Үрүҥ тунах
ыһыаҕа буолла. Сопхуос саҕанааҕы туттулла сылдьыбыт маллар, ахтыылар, хаартыскалар выставкаҕа турдулар. Нэһилиэктэр сопхуос саҕанааҕы лозуннары тутан сэлэлии хааман, алгыс иҥэринэн, түһүлгэлээн олорон уруккуну — хойуккуну кэпсэтэн, үөрэн — көтөн көрүстүлэр. Сопхуос 50 сылынан, үлэлээн ааспыт дьоммутугар үбүлүөйнэй знактары туттардылар.
Эбиэт кэннэ оһуохай, уһун суһуох, саха таҥаһа, тирии олбох уонна «Өбүгэлэр оонньуулара» ыһыах күрэхтэһиилэрэ буоллулар.
