Алаҕар нэһилиэгэр, Чыаппаратааҕы эр дьон норуодунай хуорун 30 сылын көрсө, “Талбаннар” уол оҕо ансамбылларын күрэҕэ өрөспүүбүлүкэ иһинэн буолан ааста.
Чурапчы Чыаппаратыгар эр дьон хора 1995 с. Улуу Кыайыы үбүлүөйүн көрсө тэриллибитэ. Ити иннинэ республикаҕа киэҥник биллибит «Иэйии» вокальнай народнай квартет ырыаһыттара И.И.Хон, В.В.Лыткин, Т.Е.Толстоухов, М.М. Пестряков уонна кинилэр салайааччылара, бэйэтэ туһунан суоллаах иистээх, таланнаах мелодист уонна ырыаһыт Ф.Ф. Гоголев бу хор үөскээһинигэр төһүү күүс буолбуттара, оччолорго нэһилиэк дьаһалтатын баһылыгынан үлэлээбит В.М.Протодьяконов, художественнай руководитель С.А.Борисова хор атаҕар туруутугар үгүс сыраларын биэрэн үлэлээбиттэрэ.
Чыаппаратааҕы эр дьон норуоднай хора киэҥ ис хоһоонноох айар үлэтин тыа сирин түбүктээх олоҕун кытары сыһыары тутан, эр киһи, аҕа оруолун обществоҕа үрдэтиигэ бэртээхэй холобуру көрдөрөр. Ону ааһан республикатыгар хоровой искуство сайдыытыгар бэйэтин кылаанын утумнаахтык киллэрэр. Ол курдук олунньу 8 күнүгэр Алаҕар нэһилиэгэр РФ норуот айымньытын үтүөлээх кэлэктиибэ, Федор Гоголев аатынан Чыаппаратааҕы эр дьон норуодунай хуора 30 сыллаах үбүлүөйүн көрсө, “Талбаннар” уолаттарга аналлаах өрөспүүбүлүкэтээҕи патриотическай ырыа күрэҕэ ыытылынна.
Манна даҕатан эттэххэ, күн устата “Саха” НКИХ хамаандата нэһилиэк дьонун-сэргэтин, үлэтин хамнаһын, тэрилтэлэри барыларын хабан, ону таһынан эбиэт кэннэ Гала кэнсиэри, оҕолору толору уһуллулар. Олуннуьу 22 күнүгэр “Саха” НКИХ-гар “Үүнэ – сайда тур Сахам сирэ” биэриигэ тахсыаҕа. Биэрии салайааччыта Татьяна Афанасьевна Гоголева “Хотугу сулус” теле – радио салайааччыта, СӨ культуратын үтүөлээх үлэһитэ, Алаҕар нэһилиэгин бочуоттаах олохтооҕо, редактордар Светлана Алякова, Саргылана Лебедева, оператордар Александр Жуков, Андрей Асекритов.
Зал иһэ толору көрөөччүлээх, элбэх дьон мустан, тэрээһин үрдүк таһымҥа ыытылынна.
Ону таһынан, Алаҕар нэһилиэк кинигэтин киинин салайааччыта Софья Егоровна Протодьяконова,»Алтан араҕас далбардаах Алаҕар нэһилиэгэ»- кинигэ выставкатын дьоҥҥо-сэргэҕэ сырдатан ыалдьыт болҕомтотун тарта. 40 киһилээх Республикаҕа бастакы тэриллибит хор 30 сыллаах таһаарыылаах үлэтин, хор кинигэлэрин, Чыаппара биллиилээх дьонун, нэһилиэк кинигэтин, Алаҕар олохтохтоохторо таһаарбыт кинигэлэрин түмэн туруорда. Ыраахтан, чугастан кэлбит ыалдьыттар, көрдөрөр иһитиннэрэр «Саха НКИХ» хампаанньа сэҥээрэн көрдүлэр, иһиттилэр устан бардылар.
Просим принять участие в опросе и ответить на вопросы анкеты "Оценка удовлетворенности работой организации"
по ссылке или QR коду