Чурапчы улууһугар доруобуйаларынан хааччахтаах дьоҥҥо аналлаах Саҥа дьыллааҕы тэрээһин.
Тохсунньу 16 күнүгэр А. Лыткина аатынан Норуот айымньытын дьиэтэ Чурапчы улууһугар доруобуйаларынан хааччахтаах дьоҥҥо аналлаах тэрээһини тэрийэн ыытта. Тэрээһин олус истиҥ, ичигэс эйгэҕэ ааста уонна кыттааччыларга үчүгэй эрэ санааны хаалларда.
Тэрээһини көхтөөхтүк ыыттылар:
• Елена Николаевна бырааһынньыгы иилээн-саҕалаан ыытта, программаны бэйэтин айар дьоҕурунан ырыаннан киэргэттэ.
• Хормейстер Елена Дмитриевна төрүт музыкальнай инстумеҥҥа кырыымпаҕа дьүрүһүтэн уонна норуот ырыаларын мааны куолаһынан толорон дьону умсугутта.
• Аккомпаниатор Руслан Фёдорович байааҥҥа маастардык оонньоон, ырыалары доҕуһуоллан, дьоро киэһэ тыынын таһаарда.
• Библиотекарь Софья Егоровна. Тымныы Оҕонньор буолан маанытык таҥнан соһуччу түгэн оҥордо, ыалдьыттарга көрдөөх таабырыннарынан аралдьытта.
Кыттыылаахтар тэрийээччилэр болҕомтолоох сыһыаннарын, сир-уот табыгастааҕын уонна бииргэ сынньанарга, кэпсэтэргэ үчүгэй усулуобуйа тэриллибитин үрдүктүк сыаналаатылар.
