Алагарская модельная библиотека

Протодьяконова Прасковья Алесеевна- Пана, биир дойдулаахпыт Гавриил Дмитриевич
Протодьяконов кэргэнэ. Нуучча кыыһа Прасковья Алексеевна Рудина атырдьах ыйын 7күнүгэр
1922сыл Кировскай уобалас. Нолинскай куорат, Пироги дэриэбинэтигэр, төрөөбүтэ. Ийэтэ Анна Никаноровна колхуос үлэһитэ, аҕата Алексей Антонович кондитер. 1938 сыллаахха 7 кылаастаах оскуола кэннитэн Молотовск куоракка медшкола5а акушерскай отделениятыгар киирэр уонна ол үөрэ5ин 1940сыллаахха бутэрэр.
Үөрэ5ин бутэрбитин кэннэ кинини 1940сыллаахха Саха Сиригэр акушерканан улэ5э ыыталлар. Саха Сирин Наркомздрава эдэр исписиэлииһи Нам оройуонугар акушерынан аныыр. Манна Прасковья Алексеевна улэһит тиийбэтинэн эбии регистратор уонна дезинфектатор, үлэлэрин
толорор. Кини Намҥа 1943с. дылы улэлиир. 1943с.- 1946с. Мэҥэ- Хаҥалас оройуонугар ананан кэлэн Төҥүлү бөһүөлэгэр акушердыы сылдьан улэлиир киһи суох буолан биэлсэрдиир.
Маннык үлэлии сылдьан Прасковья Алексеевна Дьабыыл нэиһилиэгэр «колхозный роддом»,
диэни тэрийэн үлэлэтэр. Бу үлэлии олорон 1945сыллаахха Прасковья Алексеевна олоҕун аҥарын
сэрииттэн эргиллэн иьэр фронтовик Гавриил Дмитриевич Протодьяконовы көссөр. Хабырыыс табаарыһа Гавриил Иванович Макаров – Дьуон Дьаҥылы сирэйэ бааһырбытын Дьабыыл нэһилиэгин балыыһатыгар арыаллаан аҕалар. Ол онно Нуучча кыыһын Пананы сөбүлүү көрөр.
Прасковья Алесеевна Гавриилга эргэ тахсан 1946с.-1950с.дылы Чурапчы оройуонугар, Алаҕар нэһилиэгэр фельдшерско-акушерскай пунугар заведующайынан, акушерканан улэлиир. 1950с.-1952с. Бахсы фапгар эмиэ заведующай, акушерка. 1952с.-1955с. Мэҥэ-Хаҥалас ороуойнугар. 1 Мэлдьэхси фапгар заведующай, акушерка. 1955с Чыаппараҕа төннөн кэлэн фапка акушеркалыыр 1957сыллаахха Ала5ар учаскуобай балыыһата тэриллиэ5иттэн олоҕун бүтэһик күннэригэр дылы бу балыыһа5а үлэтин сал5ыыр. Прасковья Алексеевна бу үлэлээбитин тухары кини илиитигэр биир да
оҕо-дьахтар куһаҕан буолбатаҕа. Дьахталлар таптаан Пана диэн ааттыыллара.

Кыһыннары-сайыннары тымныы-сылаас, хаар-ардах, күнүс-түүн, ыраах-чугас диэбэккэ көстөөх сирдэри эт атаҕынан, сыарҕалаах ат көһүннэҕинэ атынан, учаастактарынан, сайылыктарынан кэрийэн, соро5ор бэйэтин аҕыйах хонуктаах оҕотун хаалларан о5олонор дьахтарга тиийэн икки-үс хонон оҕо кэтэһэрэ, ол о5олорун кэрийэн бүөбэйдиирэ,көрөрө истэрэ. Билиҥҥи кэм курдук биирдэ-
иккитэ оҕолонор кэмнэр буолбатах этилэр. Кинини ахталларыгар саныылларыгар кини
киһи быһыытынан хайдах курдук сэмэйин, дьону наар үөрэ көрсөрүн, илиитигэр төрөппүт
оҕолорун «мин о5ом»- диэн үөрэрин капсииллэрэ, ахталлара. Ол курдук улэлиирин тухары үлэлээбит
тэрилтэтиттэн хайҕабылтан ордон биир да сэмэлэниитэ суо5а көрдөрөр. Өр сыллаах
үлэтин иһин « Отличник здравоохранения », сэрии кэминэҕи үлэтэ «За доблесный труд в Великой Отечественной Войне», элбэх оҕо ийэтэ буолан «Материнская слава»
мэдээлинэн бэлиэтэммитэ. Олорбут үлэлээбит сирдэригэр итэҕэйэн убаастаан норуот
депутатынан талара. Прасковья Алексеевна үтүө кэргэн буолан олоҕун аҥарыгар 8 оҕону бэлэхтээбитэ, 9 о5ону иитэн таьаарбыта. Прасковья Алексеевна эдэр сааһыгар алтынньы 3 күнүгэр 1971с. бу орто дойдуттан барбыта.

Протодьяконова Прасковья Алесеевна- Пана кэргэнинээн Протодьяконов Гавриил Дмитриевич.

Волгоград куоракка тиит мас олордо сылдьар хаартыскалара.

Прасковья Алесеевна үлэлии сылдьыбыт фельдшерско-акушерскай пункт дьиэтэ.

Фельшерско-акушерскай пууҥҥа туттулла сылдьыбыт медецинкай маллар. Олохтоох «Түмэлгэ» анал хоско көрдөрүүгэ тураллар.

Ыстатыйаны суруйда Алаҕар нэһилиэгин бибилэтиэкэрэ Протодьяконова Софья Егоровна