Сырдыгынан сыдьаайар күндү киһибит
Балаҕан ыйын 26 күнүгэр биһиги оскуолабытыгар өр сылларга үлэлээбит бэтэрээн учуутал, РСФСР үөрэҕириитин туйгуна Оконешников Михаил Иванович «Сырдыгынан сыдьаайар күндү киһим» ахтыы кинигэтин сүрэхтэниитэ буолан ааста. Дьоро киэһэҕэ Михаил Иванович бииргэ үлэлээбит коллегалара, чугас ыаллара олус истиҥ ахтыылары оҥордулар. Ааҕар киин сэбиэдиссэйэ Протодьяконова С.Е. кинигэ тутулунан ырытыы оҥордо. Оскуола директора Максимова В.Г. ахтыы оҥордо, эҕэрдэ сурук туттарда. Хас биирдии кэлбит ыалдьыты алаадьылаах саламаатынан күндүлээтилэр. Биһиги оскуолаҕа өр сылларга үлэлээбит биир идэлээхпит Ольга Васильевна Оконешникова олорбут олоҕо, айбыт-туппут үлэтэ, дьиэ кэргэнэ бу ахтыы кинигэҕэ киирэн, өр сылларга сырдык өйдөбүл буолан хааларыттан үөрэбит, астынабыт.
