«Тыа сирин сайдыыта – дойду кэскилэ».
«Тыа сирин сайдыыта – дойду кэскилэ».
Буолбут Күнэ-дьыла: 2026 сыл олунньу 12 күнэ.
Буолбут сирэ: Чурапча нэһилиэгэ («Айылгы» норуот айымньытын дьиэтэ, Спортивнай институт, Чурапча гимназията).
Арассыыйа билимин күнүгэр ананар. Көҕүлээччи — РФ Федерациятын Сэбиэтин сенатора, экономика билимин доктора Егор Афанасьевич Борисов.
Сыала: Арктика усулуобуйатыгар тыа сирин тирэхтээхтик сайыннарыы кыһалҕаларын дьүүллэһии, билим чинчийиилэрин уонна уопуту атастаһыы.
Тэрийээччилэр: Чурапча улууһун дьаһалтата, Арктикатааҕы судаарыстыбаннай култуура уонна искусство института (АГИКИ), Чурапчатааҕы физическэй култуура уонна спорт института (ЧГИФКиС), Чурапчатааҕы аграрнай-техническэй колледж.
Бу күннэргэ Чурапчыга буолбут «Тыа сирин сайдыыта – дойду кэскилэ» диэн Бүтүн Арассыыйатааҕы билим-практика кэмпириэнсийэтигэр Алаҕар нэһилиэгин бибилэтиэкэрэ, Софья Егоровна Протодьяконова кыттыыны ылла.
Софья Егоровна кэмпириэнсийэҕэ «Алаҕар — ырыа дьиэрэйэр Алгыстаах» диэн олус кэрэхсэбиллээх тиэмэнэн дакылаат оҥордо. Кини Алаҕар нэһилиэгин култууратын, ырыатын-тойугун суолтатын, норуот айымньытын тыа сирин сайдыытыгар оруолун ырытан көрдөрдө.
Кэмпириэнсийэ түмүгүнэн, Софья Егоровна Протодьяконова ситиһиилээх кыттыытын иһин туоһу суругунан наҕараадаланна.
