«Тылбаас батл» күрэс!
Төрөөбүт тылбыт күнүнэн Алаҕарга «Тылбаас батл» күрэс буолла!
Бүгүн, олунньу 13 күнүгэр, Сахабыт Республикатыгар төрөөбүт төрүт тылбыт күнүн көрсө, Алаҕар нэһилиэгин ааҕар киинин үлэһитэ Софья Егоровна Протодьяконова, тыл баайын тургутар «Тылбаас батл» диэн олус умсугутуулаах күрэһи тэрийэн, дьону-сэргэни сонурҕаттым.
Күрэхпит олус сиэдэрэйдик, кыл кырыымпа доҕуһуоллаах алгыһынан аһыллыбыта. Оскуолабыт алын кылааһын оҕолоро «Төрөөбүт тыл» диэн ырыанан тэрээһиммитин киэргэттилэр, оттон «Алгыс» уһуйаан оҕолоро олус бэркэ олоҥхо этэн, кэлбит дьону астыннардылар.
Күрэскэ түөрт бөлөх кыттыыны ылан, өйдөрүн-санааларын тургутан көрдүлэр. Бөлөхтөр бэйэлэригэр сахалыы кэрэ ааттары иҥэринэн, биирдиилээн бэйэлэрин билиһиннэрдилэр. Ол курдук, «Билии кыһата», «Алаҕар кэскилэ», «Алгыс», уонна «Уран тыл уустара» диэн хомоҕой ааттаах хамаандалар утарыта күөн көрүстүлэр. Күрэс олус көхтөөхтүк, сэргэхтик ааста.
Күрэс түмүгүнэн, кыайыылаахтар маннык буоллулар:
1) I миэстэни ылан, добун суругунан наҕараадаланна – «Билии кыһата» бөлөх.
2) II миэстэҕэ тигистэ – «Алгыс» бөлөх.
3) III миэстэни ылла – «Уран тыл уустара» бөлөх.
4) IV миэстэни ылла – «Алаҕар кэскилэ» бөлөх.
Төрөөбүт тылбыт күнүн итинник көхтөөхтүк, сэргэхтик бэлиэтээтибит! Сахабыт тыла өрүү сайда, дьиэрэйэ турдун!
Елена Юмшанова.
Алын кылаас үөрэчээччилэрэ.
«Алгыс» уһуйаан итиллээччилэрэ.
Дьүүллүүрсүбэ: Ольга Ильинична, Елена Николаевна, Элина Гоголева.
Бөлөхтөр:
Ыытааччы:
