”Ыал саргыта” улуус пилотнай бырайыагын чэрчитинэн ыытыллар “Ааҕар саха сайдам ыала”
Алаҕар нэһилиэгэр кулун тутар 5 күнүгэр олус сэргэх, өйү-санааны сайыннарар «Ааҕар саха сайдам ыала» диэн өй күрэҕэ ыытылынна. Бу тэрээһин сүрүн сыала – дьиэ кэргэни кинигэ ааҕыытыгар угуйуу, билиини-көрүүнү хаҥатыы уонна ыаллар бэйэ-бэйэлэрин кытары алтыһыыларын күүһүрдүү буолар.
Күрэххэ 8 хамаанда дьиэ кэргэн кытынна. Бары кыттааччылар олус бэлэмнээх, өй оонньуутугар киирсиилээх буолан, түмүк таһаарарга дьүүллүүр сүбэҕэ эмиэ да уустук, эмиэ да дьол-соргу буолла.
Өрөгөйдөөх түмүк:
Тэрээһин түмүгүнэн, саамай элбэх баалы хомуйан, кыайыы өрөгөйүн Поповтар дьиэ кэргэн ылла Декабрина кыыһынаан 28 баллы хомуйдулар.
Иккис бочуоттаах миэстэни Сокольниковтар дьиэ кэргэн эрэллээхтик баһылаата Екатерина кыыһынаан Сандааралыын 25 баллы хомуйда.
Үһүс миэстэҕэ Поповтар дьиэ кэргэн тахсан, биһиги убаастабыллаах кыайыылаахтарбыт ааттарыгар киирдилэр. Айталина уолунаан Андрианныын 22 баллы хомуйда
«Бу курдук тэрээһиннэр дьиэ кэргэни өссө биир ситимнээн, кинигэ ааҕар, билиилээх-көрүүлээх, сайдам ыал буоларга уһуйаллар. Бары кыттыбыт дьиэ кэргэттэргэ махтанабыт уонна эһиилги күрэххэ өссө элбэх ыал кыттарыгар ыҥырабыт».
Кыайыылаахтары уонна бары кыттааччылары ис сүрэхпититтэн эҕэрдэлиибит!
