БИБЛИОТЕКАҔА ОҔОЛОР ОСТУОЛ Оонньууларынан Үлүһүйэллэр – ӨЙ УОННА БИЛИИ.
Бүгүҥҥү күҥҥэ, кинигэ ааҕыытын таһынан, оҕолор өбүгэлэрбиттэн хаалбыт остуол оонньууларыгар анаан библиотекаҕа кэллэхтэрин ахсын оонньоон бараллар. Биһиги библиотекабыт оҕолорго аналлаах чаҕылхай сир буолар, манна кинилэр араас көрүҥҥэ сайдар кэҥ үктэллэрин булуналлар.
Библиотекаҕа остуол оонньуулара АЙАР кинигэ кыһатыттан суруттарыыннан киирэ тураллар. Оонньуурдар кырдьык, оҕолор кинигэ ааҕа киирэллэриттэн ордук, бу аныгылыы тыыннаах, былыргылыы суолталаах остуол оонньууларын оонньуу кэлэллэр. Бииртэн биир интэриэһинэй оонньуулар оҕо өйүн-санаатын, толкуйдуур дьоҕурун, түргэн туттаҕас майгытын сайыннараллар.
«Остуол оонньуулара – бу дьиҥнээх интэриэһинэй үөрэх!»
Оҕолор бу маны оонньуу сылдьан, бэйэ-бэйэлэрин кытта алтыһаллар, майгыларын-сиэригэр үөрэнэллэр, кыайыыны-хотууну уонна хотторууну кытта туттарга бииргэ үөрэнэллэр. Өссө биир туһата – кинилэр төрөөбүт тылынан кэпсэтэллэр, оонньуу быраабылаларын сахалыы быһаарсаллар.
Убаастабыллаах төрөппүттэ оҕолоргутун библиотекаҕа сырытыннарыҥ! Араас көрүҥҥэ сайдалларыгар, кинигэ ааҕыытын таһынан, өбүгэлэрбит муудараһын биэрэр остуол оонньууларынан дьарыктаналларыгар көмөлөһүҥ. Бу – оҕо хас биирдии күнүн интэриэһинэй гынар уонна кини сайдыытыгар туһата үтүмэн буолар!
