«КЫРАЧААН ОЛОҤХОҺУТТАР» КУСТУК БӨЛӨХ ОҔОЛОРО ТӨРӨӨБҮТ ТЫЛЛАРЫН САЙЫННАРАЛЛАР
Ыам ыйын 18 күнэ. Бүгүн биһиги уһуйааммыт иһигэр дьиктилээх, кэрэ түгэн буолла. «Кустук» бөлөх оҕолоро бэйэ бэйэлэригэр олоҥхолоһон, төрөөбүт тылларын баайын күүһүн билиһиннэрдилэр. Кырачаан оҕолор олоҥхо дорҕоонноох тылларыгар умсугуйан, кэпсээн ис хоһоонун тиэрдэргэ кыһаллан олус дьаныһан кытыннылар.
Оҕолор тылларын саппааһын байытыыга, сахалыы саҥаларын тупсарыыга, олоҥхо дириҥ ис хоһоонун өйдүүргэ олус улахан суолталаах. Олоҥхо – саха норуотун муудараһа, историята, тылын күүһэ. Оҕолор төрүт култуурабытыгар сыстарын, кинини таптыы уонна киэн тутта улааталларын мэктиэтэ.
Оҕолору олоҥхоҕо уһуйбут, бу үтүө дьарыгы олоххо киллэрбит, киэн туттар иитээччибит – Анна Федосьевна. Кини оҕолорго олоҥхону ыйан-кэрдэн, сахалыы тыл кэрэтин, дорҕоонноох буоларын иҥэрэр. Анна Федосьевна наар библиотеканы кытта ыкса ситимнээхтик үлэлиир, оҕолорго саастарыгар сөптөөх олоҥхо кинигэлэрин көрдөөн булан, кинилэри олоҥхо эйгэтигэр угуйар. Бу курдук дьарык кэнчээри ыччат сахалыы тылга тапталын күүһүрдэр, төрүт үгэстэрин билиилэрин дириҥэтэр.
