«Ахтыы түһүлгэтэ» Варвара Григрьевна Слепцова- Санаа
Ыам ыйын 12 күнүгэр Саха АССР үтүөлээх учуутала, Арасыыйа суруйааччыларын уонна суруналыыстарын сойууһун чилиэнэ, Чурапчы улууһун уонна Алаҕар нэһилиэгин бочуоттаах олохтооҕо Варавара григорьевна Слепцова-Санаа 95 сааһыгар анаммыт ахтыы түһүлгэтэ Г.Д.протодьяконов аатынан Алаҕар орто оскуолатыгар буолла.
Ахтыы түһүлгэтин иилээн-саҕалаан ыытта Г.Д.протодьяконов аатынан Алаҕар орто оскуолатын бибилэтиэкэрэ Екатерина Михайловна Сокольникова. Ахтыы түһүлгэтигэр Варвара Григорьевнаны кытта бииргэ үлэлээбит коллегалара, үөрэнээччилэрэ, олорон ааспыт олоҕун, үлэлээбит үлэтин туһунан, араас элбэх истиҥ иһирэх тыллары этэн, тыынан, ахтан, санаан, ардыгар уйадыйан ыллылар.
Алаҕар нэһилиэгин бибилэтиэкэрэ Софья Егоровна Протодьяконова, Варвара Григорьевна кинигэлэрин, кини туһунан ыстатыйалары, бигэ эппит тылларын быыстапка оҥорон туруорда.
Ону таһынан Софья Егоровна оҕолорго Варвара Григорьевна-Санаа Саха кэнчээритигэр бигэ эппит тылларын кинигэ закладката оҥорон бэлэх уунна.
Варвара Григорьевна кыыһа Саргылана Ивановна, ийэтин эҥкилэ суох туоһулуур араас докумуоннарын, грамоталарын, урукку хаартыскаларын быыстапка туруоруутугар ыыппыта ордук дьону сэргэхситтэ.
Киһи ахтылларын тухары тыыннаах диэн бэлиэ этии баар. Варвара Григорьевна олорон ааспыт олоҕо үүнэр ыччаппытыгар үтүө холобур буолан умнуллуо суоҕа.
Эдэртэн эйэтин,
Кырдьаҕастан алгыһын ылар курдук
Сырыт дуу, саха ыччата
ТУСКУО!
Варвара Григорьевна-Санаа бигэ тыллара.