«Алаҕар далбардара Далбар хотун сурунаалга»
Дьоҕур, кэрэ, күүс түмсүүтэ!
Алаҕар нэһилиэгин култууратын сайдыытыгар биир улахан кылааты киллэрэр, дьоҕурун уонна кэрэтинэн киэн туттар «Алаҕар далбардара» үҥкүү бөлөҕө нэһилиэкпит ытык киэргэлэ буолар. 2015 сыллаахха Анфиса Егоровна Ефремова көҕүлээн тэрийбит бөлөҕө, хореограф Ольга Егоровна Баишева салалтатынан, уонча сыл устатыгар Саха сирин эрэ буолбакка, аан дойду таһымнаах куонкурустарга ситиһиилээхтик кыттар.
Саастарынан 62-тэн 77-гэ диэри эрчимнээх далбардарбыт, олоххо көхтөөх, үлэһит, элбэх оҕолоох уонна сиэннэрдээх дьон. Кинилэр дьиҥнээх холобур буолаллар, араас омук үҥкүүлэрин баһылааһын таһынан, сахалыы таҥас канонун тутуһан тигэллэр, чөл олоҕу тутуһаллар уонна байыаннай дайыыга сылдьар буойуннары өйүүргэ көхтөөхтүк кытталлар. Болгарияҕа ыытыллыбыт «Евро-Фолк» бэстибээлгэ иккитэ «Золотой Орфей» кылаан кыайыыны ылан, Гран-При буолбуттара – кинилэр дьоҕурдарын уонна дьулуурдарын туоһута.
«Үҥкүү биһигини сомоҕолоото, сири-дойдуну көрдөрдө,» — диэн астына кэпсииллэр далбардар. Кинилэр кэрэ хамсаныылара, ис хоһоонноох үҥкүүлэрэ хас биирдии көрөөччүнү умсугутар, өрө көтөҕөр.
Күндү ааҕааччылар! «Алаҕар далбардара» курдук кэрэ түмсүүлэр уонна Саха сирин дьахталларын олохторун, дьоҕурдарын туһунан элбэх кэрэхсэбиллээх ыстатыйалары биһиги «Далбар» сурунаалга ааҕыаххытын сөп. Бу сурунаал саха дьахталларын айар-тутар, үлэлиир-хамсыыр күүстэрин, кэрэ үгэстэрин сырдатар сүдү суолталаах.
Алаҕардааҕы библиотекаҕытыгар «Далбар» сурунаал куруук кэлэр, онон саҥа нүөмэрдэри ааҕа кэлиҥ! Биһиги библиотекабыт эйгэтэ хайаан да эһигини олоххо саҥа кэрэхсэбиллэри арыйарга, билиигитин-көрүүгүтүн кэҥэтэргэ көмөлөһүө.
Ону таһынан, библиотекабыт олоҕор буолар араас сонуннары, саҥа кинигэлэр киириилэрин, тэрээһиннэри уонна интэриэһинэй ыстатыйалары биһиги библиотекабыт сайтыгар куруук таһаарабыт. Сайтпытыгар киирэн, хайаан да билсиҥ, саҥа сонуннары ааҕыҥ.
Кэлэн ааҕыҥ, билсиҥ, сэҥээрэҥ! Биһиги библиотекабыт – билии, кэрэ уонна ситим түһүлгэтэ!
Бибилэтиэкэр Софья Протодьяконова