Ала5ар нэһилиэгэр 50 сыл бииргэ олорбут ыалларга анаан стендэ арыллыыта ахсынньы 13 күнүгэр буолла.
Россиябыт президена Владимир Владимирович Путин 2024 сылы Россия5а дьиэ кэргэн сылынан биллэрбитэ. Ол чэрчитинэн бүгүн 50 сыл бииргэ олорбут дьоһун мааны ыалларбытыгар стендэ аһылынна.
Тамара Григорьевна Лыткина нэһилиэкпит дьоһун ыалларын үйэтитэн бу стендэни оҥоттордо. Үбүнэн олохтоох дьаһалта уонна бу ыаллар оҕолоро, аймахтара көмөлөстүлэр. “Алаҕар нэһилиэгэ” тыа сирин түөлбэтин баһылыга Иван Оконешников, Тамара Григорьевна үлэтин үрдүктүк сыаналаан туран, “Чурапчы улууһа” МО “Үтүө суобастаах үлэтин иһин” анал бэлиэтин үөрүүлээх быһыыга-майгыга туттарда.
55 сыл бииргэ олорбут Гоголева Татьяна Васильевна, Федот Ильич, Слепцов Василий Макарович кэлэн ыалдьыттаатылар. Бэйэлэрин баҕа санааларын, сүбэлэрин-амаларын, дьиэ кэргэн олоҕун туһунан сүрдээх үчүгэй тыл эттилэр. Василий кэргэнинээн Татьяна Ивановналыын 50 сыллара быйыл.
Кэлбит ыалдьыттары олохтоох дьаһалта саламаатынан, арыылаах алаадьыннан, итии чэйинэн көрүстэ.
Тэрээһин кыттыылаахтарыгар Сайнаара Сокольникова бэйэтин ырыатын бэлэх уунна.
Тамара Григорьевна бэйэтин аатыттан тэрээһиҥҥэ кыттыбыт Гоголевтарга, Слепцовтарга бэйэтин аатыттан бэлэх туттарда.
