АЛГЫС УҺУЙААҤҤА «ДЬЭРЭКЭЭН ОҔОЛОР» ОСТУОРУЙАНЫ СЭРГЭЭН ИҺИТТИЛЭР
Ыам ыйын 14 күнэ. Хас нэдиэлэ аайы ыытыллар «Остуоруйалаһыы күнэ» Алгыс уһуйаан кырачааннарыгар үөрүү-көтүү аргыстаах ааста. Бу күн дьиктилээх, чаҕылхай кэпсээннэр эйгэлэрэ аһыллар, оҕолор өйдөрүн-санааларын сайыннарар, сахалыы тылга сыстыһыннарар аналлаах тэрээһин.
Уһуйаан иитиллээччилэрэ норуот остуоруйатыттан «Дьэрэкээн оҕолор» диэн сэһэни иһиттилэр. Оҕолорго тапталлаах «эбэ ааҕар» диэн бырайыак чэрчитинэн, остуоруйаны олус истиҥник, долгутуулаахтык Саргылаана Егоровна Сорокоумова кэпсээтэ. Кини кэпсээнинэн, оҕолор дьэрэкээн оҕолор саҥаларын, тугу гыммыттарын өйгө-санааҕа оҥорон, дьүһүйэн көрдүлэр.
Оҕолор эбэ сэһэнин олус сэргээн иһиттилэр, харахтарын ууруйбакка, тыыммакка олорон кэпсээҥҥэ умсугуйдулар. Остуоруйаҕа кэпсэнэр түгэннэргэ күлэллэрэ, сороҕор соһуйаллара, кырачаан дьүһүннэригэр араас эмоциялар солбуһаллара. Итинник тэрээһиннэр оҕолор тыл саппаастарын байытар, толкуйдуур дьоҕурдарын кэҥэтэр, уус-уран тылга тапталы үөскэтэр диэн культура үлэһиттэрэ бэлиэтииллэр.
«Остуоруйалаһыы күнэ» кырачааттар сүргэлэрин өрө көтөхтө, кинилэргэ умнуллубат түгэннэри бэлэхтээтэ. Кэлэр нэдиэлэҕэ эмиэ саҥа остуоруйаны кэтэһэллэр.